Орон сууц худалдан авах журам

Орон сууц худалдан авахад Иргэний хуулийн тусгай зохицуулалт үйлчлэх ба хуульд заасны дагуу худалдах-худалдан авах гэрээгээр худалдагч нь биет байдлын доголдолгүй, эрхийн зөрчилгүй хөрөнгө, түүнтэй холбоотой баримт бичгийг худалдан авагчийн өмчлөлд шилжүүлэх буюу бараа бэлтгэн нийлүүлэх, худалдан авагч нь худалдагчид хэлэлцэн тохирсон үнийг төлж, худалдан авсан хөрөнгөө хүлээн авах үүргийг тус тус хүлээдэг. Мөн хуулийн 245.2 дахь хэсэгт заасны дагуу гэрээнд өөрөөр заагаагүй бол үл хөдлөх эд хөрөнгө худалдах-худалдан авахад гэрээ болон шаардагдах баримт бичиг бүрдүүлэх, баримт бичгийг нотариатаар гэрчлүүлэх, улсын бүртгэлийн газар бүртгүүлэхтэй холбоотой зардлыг худалдан авагч хариуцна. Үл хөдлөх хөрөнгийн худалдааны татвар үнийн дүнгийн 2 хувь байна.
Өмчлөгч нь үл хөдлөх эд хөрөнгө өмчлөх эрхээ энэ хуульд заасны дагуу эрхийн улсын бүртгэлд бүртгүүлж гэрчилгээ авснаар түүний өмчлөх эрх баталгааждаг.

Эд хөрөнгө өмчлөх эрх, түүнтэй холбоотой эд хөрөнгийн бусад эрхийн Улсын бүртгэлийн тухай хуулийн 3.1-д зааснаар Монгол Улсын нутаг дэвсгэрт байгаа газар, түүнээс салгамагц зориулалтын дагуу ашиглаж үл болох барилга байгууламж, хөлөг онгоц зэрэг үл хөдлөх эд хөрөнгийн өмчлөх эрхийг Иргэний хуулийн 182.1 дэх хэсэгт заасныг үндэслэн эрхийн улсын бүртгэлд бүртгэнэ. Эрхийн бүртгэлийн албанд бүртгүүлэхийн өмнө тухайн үл хөдлөх эд хөрөнгийн харьяалах дүүргийн нотариатаар худалдааны гэрээгээ баталгаажуулсан байна.
http://terguunzuuch.mn

Эндээс мөн үл хөдлөх эд хөрөнгийн албан татварын тухай хуулийг үзэж болноооо http://www.mongolianlaws.com/#